tamilgenocide தமிழீழம்

 சிறிலங்கா படையினர் தொடர்ச்சியாக தாக்குதல்களை நடத்தியவண்ணம் இருப்பதால் படுகாயமடைந்தவர்களை மருத்துவமனைக்குக் கொண்டுசெல்ல முடியாதவாறு பொதுமக்கள் காப்பகழிகளுக்குள்ளேயே தஞ்சம் புகுந்துள்ளனர் இதனால் காயமடைந்த பலர் உயிரிழந்துள்ளனர்.
சிறிலங்கா படையினர் நேற்று நண்பகலிலிருந்து கனரக ஆயுதங்களை பயன்படுத்தப்பட வேண்டாமென அரசாங்கம் உத்தரவு பிறப்பித்திருந்த போதிலும் மாலை 6.00 மணிக்கு ஆரம்பித்து விடுதலைப்புலிகளின் பாதுகாப்பு அரண் பகுதியை இலக்கு வைத்து  தொடர்ச்சியான தாக்குதலை மேற்கொண்டவண்ணம் உள்ளனர்.
இதன்போது ஆட்லறி எறிகணை, பல்குழல் பீரங்கி. பாரிய மோட்டார், ஆர்பிஜி லோஞ்சர், 50 கலிபர்,  மற்றும் கனரக இயந்திர துப்பாக்கி சூட்டுத்தாக்குதல் என்பவற்றை வலைஞர்மடம் படையினரின் நிலைகளிலிருந்து முள்ளிவாய்க்கால் பகுதி மக்கள் வாழ்விடங்களை இலக்குவைத்து சரமாரியான தாக்குதலை நடத்தியவண்ணம் உள்ளனர் என அங்கிருந்து கிடைக்கும் செய்திகள் தெரிவிக்கின்றன.
இதன்காரணமாக முள்ளிவாய்க்கால் தற்காலிக மருத்துவமனையில் பணிபுரியும் ஊழியர்கள் அனைவரும் காப்பகழிகளில் பதுங்கியிருந்ததாக தெரிவிக்கப்டுள்ளது.
இன்று காலை தொடங்கி தொடர்ச்சியாக படையினரால் நடத்தப்படுத் இத்தாக்குதல்களினால் பெரும் எண்ணிக்கையிலான மககள் கொல்லப்பட்டுள்ளனர். அத்துடன் நூற்றுக்கணக்கானோர் படுகாயமடைந்துள்ளதாக தெரிவிக்கப்பட்டுள்ளது.
இத்தாக்குதல்கள் காரணமாக பொதுக்கள் முள்ளிவாய்க்கால் வடக்குப் பகுதியிலிருந்து தென்பகுதிக்கு விரைவாக செல்கின்றதாகவும் அதனால் வீதிகள் யாவும் நெரிசல் நிறைந்ததாக தெரிவிக்கப்படுகின்றது.